இந்தியாவின் தேசிய விமான நிறுவனமான ஏர் இந்தியா, கேபின் குழு உறுப்பினர்களுக்கு போட்டித்தன்மை வாய்ந்த சம்பளம் மற்றும் தொழில் வளர்ச்சி வாய்ப்புகளை வழங்குகிறது. குருகிராமை தலைமையிடமாகக் கொண்ட இந்த விமான நிறுவனம், டெல்லி, மும்பை மற்றும் பெங்களூருவில் முக்கிய மையங்களை இயக்குகிறது. அனுபவம், பொறுப்புகள் மற்றும் செயல்திறன் ஆகியவற்றின் அடிப்படையில் சம்பளம் வழங்குகிறது.
சம்பள விபரம்
பணியில் இணைபவர்கள் (புதியவர்கள்): மாதத்திற்கு ரூ. 53,000–ரூ. 54,000 (ஆண்டுக்கு ~ரூ. 6.9 லட்சம்).
நடுத்தர தொழில் (5–6 ஆண்டுகள் அனுபவம்): மாதத்திற்கு ரூ. 59,000–ரூ. 61,000 (ஆண்டுக்கு ~ரூ. 8.1 லட்சம்).
உயர் பதவிகள் (10+ ஆண்டுகள் அனுபவம்): மாதத்திற்கு ரூ. 80,000–ரூ. 1,00,000 (ஆண்டுக்கு ~ரூ. 13+ லட்சம்).
விமான வழித்தடங்களின் வகை (உள்நாட்டு vs. சர்வதேசம்), வகிக்கும் பொறுப்பு மற்றும் செயல்திறன் சிறப்பு போன்ற காரணிகளைப் பொறுத்தது சம்பளம்.
கூடுதல் சலுகைகள்
கேபின் குழு உறுப்பினர்கள் தங்கள் அடிப்படை சம்பளத்தை விட அதிகமான சலுகைகள் பெறுகிறார்கள். அவை இதில் அடங்கும்:
விமானப் படிகள்
தங்குமிடம்
பணிகள் சார்ந்த போனஸ்கள்
பயண சலுகைகள்
கேபின் குழு பொறுப்புகள்
ஏர் இந்தியாவின் கேபின் குழு பயணிகள் பாதுகாப்பு மற்றும் சேவையில் முக்கிய பங்கு வகிக்கிறது. அவர்களின் கடமைகளில் பின்வருவன அடங்கும்:
பறப்பதற்கு முன் பாதுகாப்பு சோதனைகள் மற்றும் செயல் விளக்கங்கள் வழங்குதல்
பயணிகளுக்கு இருக்கை மற்றும் பொருட்களை சேமிப்பதில் உதவுதல்
உணவு மற்றும் சிற்றுண்டிகளை வழங்குதல்
விமானத்தில் அவசரநிலைகளைக் கையாளுதல்
காக்பிட் மற்றும் பிற ஊழியர்களுடன் தொடர்பைப் பராமரித்தல்
ஏர் இந்தியா கேபின் குழு பதவிகளுக்கு எவ்வாறு விண்ணப்பிப்பது
ஆர்வமுள்ள கேபின் குழு உறுப்பினர்கள் ஏர் இந்தியா கேரியர்ஸ் போர்டல் மூலம் விண்ணப்பிக்கலாம்.
தகுதி அளவுகோல்கள்:
கல்வி: அங்கீகரிக்கப்பட்ட கல்வி நிலையத்தில் பத்தாம் வகுப்பு மற்றும் +2 முடித்திருக்க வேண்டும்.
வயது: புதியவர்களுக்கு 18–27 வயது (அனுபவம் வாய்ந்த விண்ணப்பதாரர்களுக்கு வயது மாறுப்படும்)
உடல் தகுதிகள்: பிஎம்ஐ தர நிலைகளுக்கு ஏற்ப உயரம் மற்றும் எடை
திறன்கள்: ஆங்கிலம் மற்றும் இந்தி மொழிகளில் சரளமாக பேசுதல், வலுவான தகவல் தொடர்பு திறன்
தோற்றம்: தெரியக்கூடிய வடுக்கள், டாட்டூ அல்லது உடல் குறைபாடுகள் இருக்கக்கூடாது
பார்வை: திருத்தங்களுடன் 6/6 அல்லது 6/9
தேர்வு செயல்முறை:
எழுத்து மதிப்பீடு: பொது அறிவு, ஆங்கில புலமை மற்றும் திறமை ஆகியவை சோதிக்கப்படும்.
குழு விவாதம்: குழுப்பணி மற்றும் தகவல் தொடர்பு திறன்களை மதிப்பிடப்படும்.
தனிப்பட்ட நேர்காணல்: ஆளுமை, பொருத்தம் மற்றும் சேவை நோக்குநிலை பரிசோதிக்கப்படும்.
மருத்துவ தேர்வு: விண்ணப்பத்தாரர்கள் உடல்நலம் மற்றும் உடற்பயிற்சி தேவைகள் குறித்து சோதனை செய்து உறுதி செய்யப்படும்.
பயிற்சி திட்டம்: செயலில் சேவை தொடங்குவதற்கு முன் கட்டாய உள்-பயிற்சி
தொழில் வாய்ப்பு
ஏர் இந்தியாவில் கேபின் குழு உறுப்பினராக பணிபுரிவது நிலையான வருவாய், உலகளாவிய பயணம் மற்றும் நீண்டகால தொழில் வளர்ச்சியை வழங்குகிறது. வேலைக்கு அர்ப்பணிப்பு மற்றும் மீள்தன்மை தேவைப்பட்டாலும், அது நிதிப் பாதுகாப்பையும் இந்தியாவின் முன்னணி விமான நிறுவனத்தின் ஒரு பகுதியாக இருப்பதற்கான வாய்ப்பையும் வழங்குகிறது.
