இந்தியாவின் பணக்கார இளைஞர் ஆதித் பலிச்சாவின் பயணம்

2001 ஆம் ஆண்டில் பிறந்த ஆதித் பலிச்சா, இந்தியாவின் இளைய பில்லியன் டாலர் CEO களில் ஒருவராக உள்ளார். மும்பையில் வளர்ந்த பலிச்சா ஆரம்பத்தில் ஸ்டான்போர்ட் பல்கலைக்கழகத்தில் கணினி அறிவியல் படிக்க வேண்டும் என்று கனவு கண்டார். ஆனால், கோவிட்-19 காரணமாக நினைத்ததை படிக்கவில்லை. இதனால், ஸ்டான்போர்டில் இருந்து வெளியேறி, இந்தியாவில் மளிகை விநியோகத் துறையை மாற்றியமைக்கும் மாற்று பாதையில் அவர் சென்றார்.

ஸெப்டோவின் விரைவான வளர்ச்சி

பிக்பாஸ்கெட், டன்ஸோ மற்றும் அமேசான் போன்ற தொழில்துறை ஜாம்பவான்களுக்கு முக்கிய போட்டியாளராக மாறியுள்ள ஆன்லைன் மளிகை விநியோக தளமான ஸெப்டோவின் தலைமை நிர்வாக அதிகாரியாக பலிச்சா உள்ளார். 2021 இல் நிறுவப்பட்ட ஸெப்டோ வியக்கத்தக்க வேகத்தில் வளர்ந்துள்ளது. இந்நிறுவனம் ஆகஸ்ட் 2024 நிலவரப்படி ரூ. 11,600 கோடி (USD 1.4 பில்லியன்) மதிப்பீட்டை எட்டியுள்ளது. ஸெப்டோவின் விரைவான வளர்ச்சியானது பலிச்சாவின் புதுமையான அணுகுமுறை மற்றும் இ-காமர்ஸ் சந்தையின் வளர்ந்து வரும் தேவைகளைப் பயன்படுத்திக் கொள்ளும் திறனை  இந்தியாவில் பிரதிபலிக்கிறது.

இளம் தொழில்முனைவோரின் நிகர மதிப்பு

வெறும் 23 வயதில், ஆதித் பலிச்சாவின் நிகர மதிப்பு ரூ. 4,300 கோடி என மதிப்பிடப்பட்டுள்ளது. இதன் மூலம் இந்தியாவின் பணக்கார தொழில்முனைவோர்கள் பட்டியலில் இடம்பிடித்துள்ளார். சிறுவயது முதலே கைவல்யா வோஹ்ரா, ஆதித் இருவரும் நண்பர்கள். இவர்கள் ஆன்லைனில் மளிகைப் பொருட்களை விநியோகம் செய்யும் கிரானாகார்ட் என்ற ஸ்டார்ட்அப் நிறுவனத்தை மும்பையில் தொடங்கினர். இன்று இருவரும் வணிக உலகில் செழித்து வருகின்றனர்.

முயற்சி மற்றும் கற்றுக்கொண்ட பாடங்கள்

ஆதித் பலிச்சாவின் தொழில் முனைவோர் பயணம் 17 வயதில் இருந்து துவங்கியது, அவர் GoPool உடன் இணைந்து நிறுவினார். அது இறுதியில் தோல்வியடைந்தது. பின்னர் அவர் உள்ளூர் மளிகை விநியோகங்களை ஒழுங்குபடுத்தும் முயற்சியான கிரணகார்ட்டில் இறங்கினார். பத்து மாதங்கள் மட்டுமே இந்நிறுவனம் நீடித்தது. இந்த ஆரம்பக்கட்ட தோல்விகள் அவரைத் தடுக்கவில்லை. இந்தியாவில் மளிகை விநியோகத் துறையில் புரட்சியை ஏற்படுத்தும் நிறுவனமான ஸெப்டோவை நிறுவ இந்த தோல்விகள் வழி வகுத்தன.

ஸெப்டோவின் வெற்றி மற்றும் எதிர்கால வாய்ப்புகள்

ஸெப்டோ நிறுவனம் தொடங்கப்பட்ட ஐந்து மாதங்களுக்குப் பிறகு $500 மில்லியன் மதிப்பீட்டை எட்டியது. மற்றும் அதன் இரண்டாம் ஆண்டு முடிவில் யூனிகார்ன் ஆனது. பலிச்சாவின் பயணம் புதுமை, உறுதிப்பாடு மற்றும் சரியான நேரத்தின் சக்தியை எடுத்துக்காட்டுகிறது. ரிஸ்க் எடுக்கவும், பாரம்பரிய தொழில்களை சீர்குலைக்கவும் பயப்படாத இந்தியாவின் இளம் தொழில்முனைவோர்களுக்கு ஆதித் பலிச்சா வெற்றி ஒரு சான்றாகும்.

^{Aadit Palicha, the 23-year-old CEO of Zepto, became one of India’s youngest billion-dollar entrepreneurs. After dropping out of Stanford, Palicha co-founded the online grocery delivery platform that reached a valuation of Rs 11,600 crore in just two years. Learn about his journey, challenges, and success.}