எஸ்கார்ட்ஸ் குபோடா லிமிடெட்டின் தலைவர் மற்றும் நிர்வாக இயக்குநராக உள்ளார் நிகில் நந்தா. அவரது மேற்பார்வையின் கீழ், இந்த விவசாய இயந்திரங்கள் உற்பத்தி நிறுவனம் செயல்பட்டு வருகிறது. இந்நிறுவனம் சுமார் ரூ. 42,141 கோடி சந்தை மூலதனத்தை ஈட்டியுள்ளது. இதுவும் அவர் வணிக உலகில் உயர்நிலைக்கு வர கை கொடுத்தது.
பாலிவுட் ஜாம்பவான்களான அமிதாப் பச்சன் மற்றும் ஜெயா பச்சனின் மகள் ஸ்வேதா பச்சனை திருமணம் செய்து கொண்டார் நிகில். இதன் மூலமாக வணிக உலகில் மேலும் பிரபலம் அடைந்தார் நிகில். இவர் டேராடூனில் உள்ள புகழ்பெற்ற டூன் பள்ளியில் தனது பள்ளிப்படிப்பை முடித்தார். பின்னர் அவர் பென்சில்வேனியா பல்கலைக்கழகத்தின் வார்டன் பள்ளியில் வணிக மேலாண்மை படிப்பைத் தொடர்ந்தார்.
நிதி மற்றும் சந்தைப்படுத்துதலில் வலுவான அடித்தளத்தைப் பெற்ற பிறகு, நிகில் எஸ்கார்ட்ஸ் குபோடா லிமிடெட் நிறுவனத்தில் தனது பயணத்தை துவங்கினார். இதிலிருந்து இவரின் வெற்றி பயணம் ஆரம்பித்தது. நிகில் நந்தாவும் திரையுலகை சார்ந்த வாரிசு தான். இவர் பிரபல நடிகரும் இயக்குனருமான ராஜ் கபூரின் மகள் ரிது நந்தாவின் மகன். இவரது தாய் மாமன்கள் ரிஷி கபூர், ரந்தீர் கபூர் மற்றும் ராஜீவ் கபூர் ஆகியோர் திரையுலகில் பிரபலமான நடிகர்களாக திகழ்கின்றனர்.
பிரபல நடிகர்கள் கரிஷ்மா கபூர், கரீனா கபூர் கான் மற்றும் ரன்பீர் கபூர் ஆகியோரும் நிகிலின் உறவினர்கள். நிகிலுக்கும் ஸ்வேதாவுக்கும் நவ்யா நவேலி நந்தா, அகஸ்திய நந்தா என்ற இரு குழந்தைகள் உள்ளனர். ஜோயா அக்தரின் Netflix திரைப்படமான “The Archies” மூலம் அகஸ்தியா திரையுலகில் அறிமுகமானார். நவ்யா பாட்காஸ்டிங்கில் ஆர்வம் செலுத்தி வருகிறார்.
நிகில் நந்தா எஸ்கார்ட்ஸ் குபோடா லிமிடெட் நிறுவனத்தை தொடர்ந்து முன்னேற்ற பாதையில் வழிநடத்தி வருகிறார். அவரது ஆற்றல்மிக்க தலைமை மற்றும் பாலிவுட் தொடர்புகள் வணிக மற்றும் தொழில்துறை வட்டாரங்களில் தாக்கத்தை ஏற்படுத்துகின்றன. இதனால் அவரது நிறுவனம் மேலும் மேலும் பல படிக்கட்டுகள் உயர்ந்து வருகிறது.
Nikhil Nanda, Chairman and Managing Director of Escorts Kubota Limited, blends his business acumen with a rich Bollywood legacy. Discover his journey in business and his connections to India’s entertainment royalty.
