ஜெஃப் பெசோஸின் நிகர சொத்து மதிப்பு எவ்வளவு தெரியுமா?

ப்ளூம்பெர்க் பில்லியனர்ஸ் இன்டெக்ஸ் அறிக்கைகளின் படி, அமேசான் நிறுவனர் ஜெஃப் பெசோஸின் ஒரு புதிய தனிப்பட்ட சொத்து புதிய மைல்கல்லை எட்டியுள்ளது. இதனால் அவரது நிகர மதிப்பு $228 பில்லியனாக உயர்ந்துள்ளது. இது அவரது முந்தைய உச்சமான $221 பில்லியனில் இருந்து $7 பில்லியன் அதிகரிப்பைக் குறிக்கிறது. அமேசானின் பங்குகளின் விலையில் கணிசமான உயர்வை கண்டுள்ளதால் அவரது சொத்துக்கள் எழுச்சி அடைந்துள்ளது. பெசோஸ் நிறுவனத்தின் 926 மில்லியன் பங்குகளை வைத்துள்ளார். இது அமேசானில் கிட்டத்தட்ட 9% ஆகும்.

அமேசான் பங்குகள் ஏற்றம்

அமேசான் பங்கு இந்த ஆண்டு வலுவான செயல்திறனைக் கொண்டுள்ளது, ஏற்கனவே 40% க்கும் அதிகமாகப் இருந்த இதன் வருவாய் மேலும் உயர்த்தப்பட்டுள்ளது. கடந்த வாரம் பங்கு விலை $200ஐ நெருங்கியது. சமீபத்திய தேர்தலில் டொனால்ட் டிரம்பின் வெற்றிக்குப் பிறகும், அமேசான் பங்குகள் கடந்த புதன்கிழமை அன்று $207.09 என்ற சாதனையை எட்டியதன். இதன் மூலம் தொடர் உயர்வை கண்டது. இந்த அதிகரிப்பு Nasdaq 100 இன்டெக்ஸ் ஒரு புதிய உச்சத்தை எட்டுவதற்கு பங்களித்தது. இதில் அமேசான் ஒரு முக்கிய காரணமாக இருந்தது.

பெசோஸ் மற்றும் டிரம்ப் இடையேயான சிக்கலான உறவு

கடந்த காலங்களில் டிரம்புடன் சிக்கலான உறவைக் கொண்டிருந்தார் பெசோஸ். ஆனாலும் அவர் தற்போதைய ஜனாதிபதி தேர்தலில் வெற்றி  பெற்றதற்கு பெசோஸ் பகிரங்கமாக வாழ்த்து தெரிவித்தார். இது தொடர்பாக எக்ஸ் தளத்தில், பெசோஸ் டிரம்பின் வெற்றியை “அசாதாரண அரசியல் மறுபிரவேசம் மற்றும் தீர்க்கமான வெற்றி” என்று குறிப்பிட்டார். மேலும், நாட்டில் கிடைக்கும் பரந்த வாய்ப்புகளை வலியுறுத்தி, நாட்டை வழிநடத்துவதில் டிரம்ப் வெற்றி பெற வாழ்த்து தெரிவித்தார்.

சுதந்திரமான அரசியல் நிலைப்பாடு

பெசோஸ் அடிக்கடி தனது அரசியல் பார்வைகளை அமேசான் நடவடிக்கைகளில் இருந்து தூரத்தில் வைத்திருந்தார். சமீபத்திய தேர்தல்களில் எந்த அமெரிக்க ஜனாதிபதி வேட்பாளருக்கும் ஆதரவு அளிக்காமல் இருந்தார். அரசியலில் ஒரு சார்பு நிலையை எடுக்க கூடாது என்பதில் உறுதியாக இருந்தார். இது அவரது வணிக முயற்சிகளின் ஒருமைப்பாடு மற்றும் சுதந்திரத்தை பராமரிப்பதற்கான அவருடைய பரந்த அணுகுமுறையை பிரதிபலிக்கிறது.

அமேசானின் வெற்றியுடன் பெசோஸின் செல்வம் தொடர்ந்து அதிகரித்து வருவதால், வணிகம் மற்றும் அரசியல் ஆகிய இரண்டு துறைகளிலும் அவரது செல்வாக்கு மறுக்க முடியாததாகவே உள்ளது.

^{Jeff Bezos reaches a record net worth of $228 billion amid Amazon’s stock surge, marking a $7 billion increase. This wealth milestone underscores Bezos’s growing influence in business and politics.}