கடந்த 2022 ஆம் ஆண்டு வெளிவந்த வாழ்க்கை வரலாற்று படமாக ராக்கெட்ரி: தி நம்பி எஃபெக்டில் நம்பி நாராயணனில் நடிப்பதற்காக தனது எடையை அதிகரித்த நடிகர் ஆர். மாதவன், படம் வெளியான கொஞ்ச நாட்களிலே மீண்டும் விரைவாக தனது எடை குறைத்து ரசிகர்களை திகைக்க வைத்தார். கர்லி டேல்ஸுக்கு அளித்த பேட்டியில், மாதவன் உடற்பயிற்சி, அறுவை சிகிச்சை அல்லது சப்ளிமெண்ட்ஸ் எதுவும் இல்லாமல் எடையைக் குறைத்ததாக தெரிவித்தார். 21 நாள் காலத்திற்கு தனது உடலுக்கு நன்மை பயக்கும் உணவுகளில் மட்டுமே கவனம் செலுத்தியதாகவும் கூறினார்.
ஒவ்வாமை சோதனை வழிகாட்டிகள் உணவுமுறை
விரைவான எடை குறைப்புக்காக, மாதவன் உணவில் சில பரிசோதனைகளை மேற்கொண்டார். இது அவரது எடை இழப்பை துரிதப்படுத்த உதவியது. குறைவான உணவு, குறிப்பிட்ட நேரத்தில் சாப்பிடாமல் இருப்பது, மெதுவாக கவனத்துடன் மெல்லுதல் உள்ளிட்ட கூடுதல் வாழ்க்கை முறை உத்திகளையும் அவர் பின்பற்றினார். செரிமானம் மேம்படுத்த உணவுகளை நன்றாக மென்று சாப்பிடுவது சிறந்த வழியாக கூறப்படுகிறது. தினந்தோறும் தனது கடைசி உணவு மாலை 6:45 மணிக்குள் என்பதை பின்பற்றினார். மேலும் பிற்பகல் 3 மணிக்குப் பிறகு பச்சையான உணவுகளைத் தவிர்த்து, புதிதாக சமைத்த உணவுகளை மட்டுமே தேர்ந்தெடுத்தார்.
தினசரி வழக்கம்
மாதவன் தினசரி பழக்க வழக்கங்கள் குறித்தும் விவரித்தார். காலை நேரம் நீண்ட நடைப்பயிற்சியையும் சேர்த்துக் கொண்டார். சீக்கிரமாக படுக்கைக்குச் செல்வதை உறுதிப்படுத்தினார். மற்றும் ஓய்வை மேம்படுத்த தூங்குவதற்கு 90 நிமிடங்களுக்கு முன்பாக டிவி, போன் ஆகியவற்றை பயன்படுத்துவதில் இருந்து விலகி இருந்தார் . நாள் முழுவதும் தாராளமாக திரவ உணவுகளை உன்கொல்வதையும் பின்பற்றினார்.
இயற்கை உணவுகளில் கவனம்
அவரது உணவில் முக்கியமாக பச்சை காய்கறிகள் மற்றும் எளிதில் ஜீரணிக்கக்கூடிய உணவுகள் இருந்தன. அதே நேரத்தில் அதிக பதப்படுத்தப்பட்ட உணவுகள் முற்றிலும் தவிர்க்கப்பட்டன. கவனத்துடன் சாப்பிடுதல், உடல் செயல்பாடு, சரியான ஓய்வு மற்றும் ஊட்டச்சத்து நிறைந்த உணவு ஆகியவற்றை இணைப்பதன் மூலம், மாதவன் ஆரோக்கியமான எடை குறைப்பு வழிகளை உருவாக்கினார்.
நிபுணர் கருத்து
குடல் சுகாதார நிபுணரான டாக்டர் பால் மாணிக்கம், மாதவனின் அணுகுமுறையைப் பாராட்டியுள்ளார். உணவு ஆரோக்கியத்திற்கும் உடற்தகுதிக்கும் மையமானது என்று கூறினார். தசை வளர்ச்சியை பராமரிக்க உணவு மாற்றங்களை உடற்பயிற்சியுடன் இணைப்பதையும் அறிவுறுத்தினார்.
உடல் எடை பாதிப்பு
உணவு ஒவ்வாமை மற்றும் சகிப்புத்தன்மையின்மை ஊட்டச்சத்தை பாதிக்கலாம். இது எடை அதிகரிப்பிற்கு பங்களிக்கும். ஒவ்வாமை எதிர்வினைகள் மன அழுத்தத்தையும் தூண்டக்கூடும். மேலும், இது மாதிரியான உடலுக்கு ஒவ்வாத உணவுகள் செரிமான வீக்கத்தையும் ஏற்படுத்துகிறது. இது மறைமுகமாக உடல் எடையை பாதிக்கிறது.
பின்னணி
கடந்த ஜூலை 2022 இல் வெளியான ராக்கெட்ரி: நம்பி விளைவு படத்தின் வாயிலாக மாதவன் இயக்குனராக அறிமுகமானர். விமர்சன ரீதியான கவனம் பாராட்டை பெற்றது இப்படம். அதே நேரம் ரூ.25 கோடி பட்ஜெட்டில் உருவான ராக்கெட்ரி ரூ. 50 கோடியை மட்டுமே ஈட்டியது.
உணவு விழிப்புணர்வு, வாழ்க்கை முறை மாற்றங்கள் மற்றும நடைபயிற்சி போன்ற நடைமுறைகளை கவனமாக பின்பற்றியதன் மூலம், மாதவன் குறுகிய காலத்தில் குறிப்பிடத்தக்க மற்றும் ஆரோக்கியமான எடை இழப்பை அடைந்துள்ளார்.
